ठमाडौं , १८ असाेज । नेपाली कम्युनिस्ट पार्टीको केन्द्रीय प्रचार विभागकाे प्रथम बैठक सम्पन्न भएको छ । शनिबार पार्टी मुख्यालय पेरिसडाँडामा पार्टी प्रवक्ता प्रकाश ज्वालाको प्रमुख आतिथ्यता तथा विभाग प्रमुख रेखा शर्माको अध्यक्षतामा सम्पन्न बैठकले बलराम थापालाई सचिवमा चयन गरेको छ । विभागका उपप्रमुख अशेष घिमिरेकाे सन्चालनमा सम्पन्न बैठकमा विभागले पार्टीको प्रचार नीति र आगामी कार्ययाेजना निर्माणबारे महत्त्वपूर्ण काम गर्ने विभाग प्रमुख शर्माले बताउनुभयाे ।

बैठकमा आफ्नो धारणा राख्दै प्रवक्ता प्रकाश ज्वालाले प्रचारकाे क्षेत्र सुदृढ नगरी सम्भावित चुनावी युद्व र समाजवादी क्रान्तिमा विजय हासिल गर्न नसकिने बताउनुभयाे ।बैठकमा भाैतिक तथा भर्चुअल सहभागीहरूले पार्टीले एकताका काम छिटो सम्पन्न गर्नुपर्ने, मिडिया रणनीति बनाउनुपर्ने, प्रचारकाे कामलाई पार्टीले विशेष महत्त्व दिनुपर्ने सुझाव दिएका थिए ।