यमनी विद्रोही समूह हुथीले अमेरिकामाथि आक्रमण नगर्ने सहमति जनाएका राष्ट्रपति डोनाल्ड ट्रम्पले आइतबार बताउनुभएको छ । यद्यपि, इरानसँग गठबन्धन गरेको यो समूहले अमेरिकी सहयोगी साउदी अरबविरुद्धको युद्ध तीव्र बनाएको फक्स न्युजले रिपोर्ट गरेको छ । प्रायः राष्ट्रपति ट्रम्पसँग अन्तवार्ता लिनुहुने नेटवर्कका रिपोर्टर ट्रे यिङ्गस्टले राष्ट्रपतिको भनाइ उद्धृत गर्दै लेख्नुभएको छ, “वासिङटन ‘हुथीहरूसँग निरन्तर सम्पर्कमा छ र उनीहरूले संयुक्त राज्य अमेरिकासँग नलड्ने सहमति’ जनाएका छन्।”

राष्ट्रपति ट्रम्पले यसअघि पनि हुथीहरू क्षेत्रमा रहेका अमेरिकी सेनामाथि आक्रमणमा नउत्रिएको बताउनुभएको थियो । “हुथीहरूले हामीलाई फोन गरी जानकारी गराएका छन्,  उनीहरू हामीसँग लड्न चाहँदैनन्”, राष्ट्रपति ट्रम्पले सेप्टेम्बर १२ मा आयरल्यान्ड भ्रमणका क्रममा भन्नुभएको थियोे, “उनीहरू हामीलाई आक्रमण गर्न चाहँदैनन्।”फक्स न्युजलाई दिएको पछिल्लो टिप्पणी नजिकको अमेरिकी सहयोगी साउदी अरब बढ्दो दबाबमा रहेको समय आएको हो । शनिबार राजधानी रियादलाई लक्षित गरी एक मिसाइल प्रहार भएको थियो ।

हुथीहरूले यमनभित्र पनि तीव्र आक्रमण गरेका छन् र अन्तर्राष्ट्रिय रूपमा मान्यता प्राप्त सरकारबाट ठूलो भूभाग कब्जा गरेका छन् । यो सरकारलाई साउदी अरबको नेतृत्वमा रहेको सैन्य गठबन्धनको समर्थन छ । फक्स न्युजले रिपोर्ट गरेअनुसार ट्रम्प इरानबारे ‘निर्णय गर्ने मोड’ मा हुनुहुन्छ । अमेरिकी र इजरायली सेनाले फेब्रुअरी २८ मा ठूलो हवाई आक्रमण सुरु गरेका थिए र अहिले लगभग सात महिनादेखि गतिरोधमा छन् ।

यिङ्गस्टका अनुसार ट्रम्पले उहाँसँग बताएअनुसार ‘यमनबारे निकट भविष्यमा ठूला निर्णयहरू हुनेछन्’ साथै ‘इरानीहरूले राम्रो व्यवहार गर्नुपर्छ र उनीहरूले इरानलाई ध्वस्त पार्ने कि जोगाउने भन्ने निर्णय उनीहरूको हातमा रहेको र यो उहाँले छिट्टै कार्यान्वयनमा लाने तयार गर्दै हुनुहुन्छ ।”