आइतवार, कार्तिक ९ २०७७Oct 25 2020
  • आइतवार, कार्तिक ९ २०७७
images

बहराइनका राजकुमारले गरे मनास्लु हिमालको सफल आरोहण

बहराइनका राजकुमारले गरे मनास्लु हिमालको सफल आरोहण

images
  • बिहिवार, आश्विन २९ २०७७

  • 793
    SHARES

  • बहराइनका राजकुमारले गरे मनास्लु हिमालको सफल आरोहण

    काठमाडौं । बहराइनका राजकुमार सेख मोहम्मद हमाद मोहम्मद अल खलिफाले मनास्लु हिमालको सफल आरोहण गरेका छन् । ८,१६३ मिटर अग्लो मनासलु हिमाल आज बिहान ६ बजेर १० मिनेटमा सफल आरोहण गरेको सेभेन सम्मिट ट्रेक्स प्रालिका कार्यकारी निर्देशक पासाङ फुर्वा शेर्पाले जानकारी दिएका छन ।

    उनीसंगै बहराइनका शाही परिबार, सुरक्षा टोली र गाइड, शेर्पागरी ५० जनाभन्दा धेरैले जनाले मनास्लु हिमाल आरोहण गरेका छन ।

    images
    images
    images

    टिमको नेतृत्व विश्वका आठ हजार मिटर भन्दा अग्ला १४ वटा हिमाल आरोहण गरेका दक्षिण एशियाका पहिलो आरोही मिङ्मा शेर्पा र १४ वटै हिमाल आरोहण गरेका छाङ दावा शेर्पा र अक्सिजनबिना सगरमाथा चढ्ने सबैभन्दा कान्छा आरोही टासी लाक्पा शेर्पाले गरिरहेका थिए् । सो टिममा २४ पटक सगरमाथा आरोहण गरेर विश्व रेकर्ड कायम गरेका कामी रिता शेर्पा गाइडको भूमिकामा थिए ।

    राजकुमारको टोली गत असोज २० गते मनास्लु आरोहणका लागि गोरखाको सामागाउँ पुगेका थिए । राजकुमार सेख मोहम्मदको आरोहणको बन्दोबस्त सेभेन सम्मीट ट्रेक्स प्रालिले मिलाएको थियो ।
    सामागाउँ पुगेका राजकुमार सेख मोहम्मदसहितको टोलीलाई वडाका जनप्रतिनिधि, स्थानीय आमा समूह, सांस्कृतिक समूह, गौरीशंकर आधारभूत विद्यालय लगायतका टोलीले बाजागाजासहित स्वागत गरेका थिए । त्यस अवसरमा स्थानीय भेषभुषा (छुवा) लगाएर उनलाई सजाएका थिए ।

    बहराइनका शाही परिवारको पहिलो भ्रमणका अवसरमा सामागाउँका बासिन्दाले पाँच हजार मिटर भन्दा अग्लो हुसुरडाँडालाई रोयल बहराइन पिक भनेर नामाकरण गरेका थिए ।

    पहिलो पटक नेपाल आएको र अब नेपाल र बहराइनबीचको सम्बन्ध भविष्यमा धेरै राम्रो हुने विश्वास पनि राजकुमारले व्यक्त गरेको वडाअध्यक्ष वीरबहादुर लामाले बताएका छन । सामागाउँलाई सँधै सुख, दुखमा साथ र सहयोग गर्ने प्रतिवद्धता पनि राजकुमारले व्यक्त गरेका लामाले बताएका छन ।

    ट्रेकिङ कम्पनीका अध्यक्ष मिङ्मा शेर्पाले सामागाउँ र ल्होका बासिन्दामा कोभिड १९ बाट कुनै समस्या भए निशुल्क रुपमा अस्पताल पु¥याउन हेलिकोप्टर सेवा दिने प्रतिवद्धता व्यक्त गरेका थिए ।

    त्यसअघि राजकुमारको टोलीले असोज १७ गते सोलुखुम्बु जिल्लाको ६,११९ मिटर अग्लो लुबुचे हिमालको आरोहण गरेको थियो ।

    बिहिवार, आश्विन २९ २०७७११:५८:४०
    सम्बन्धित समाचार

    Copyright © All right reserved to भैरवी मिडिया प्रा लि Site By: SobizTrend Technology