ब्याटल ग्राउन्ड : यस्तो देखियो पालुङ्टारमा

                               

दुई दिनअघि (कार्तिक २९ गते) बाम गठबन्धनले चुनावीसभा गरेको स्थान गोरखाको पालुङटार नगरपालिका–५ स्थित ठाँटीपोखरीमा आज शनिबार लोकतान्त्रिक गठबन्धनले चुनावीसभा गरेको छ । बामगठबन्धको सभामा माओवादी अध्यक्ष प्रचण्ड र एमाले अध्यक्ष केपी ओलि सहभागी थिए ।

आज डा. बावुराम भट्टराईले दुई दिनअघिको कार्यक्रमकै झल्को दिनेगरी जनता मात्रै उतारेनन्, कांग्रेसका महामन्त्री शशांक कोईराला देखि बरिष्ठ नेता रामचन्द्र पौडेललाई पालुङटार उतारेका छन् । उद्योगपति बिनोद चौधरी र डा. शसांक कोईराला हेलिकप्टर चढेर पालुङटार पुगेका थिए । अभिनेत्री करिष्मा मानन्धर र विनोद चौधरीले डा. भट्टराईलाई भोट मागेका छन् ।

सुरक्षा ब्यवस्था अघिल्लो कार्यक्रम जस्तै कडा पारिएको थियो । गेटमा मेटल डिटेक्टरले चेकजाँच गरिएको थियो । शनिवारको कार्यक्रमको नौलो दृश्यचाहिँ के देखियो भने, चुनावीसभामा सहभागी हुन पुगेकाहरुको गोजीमा लाईटर मात्रै भेटिएन्, रक्सिको बोत्तल समेत भेटिएको छ । सुरक्षाकर्मीहरुले रक्सिको बोलत र लाईटर कार्यक्रम स्थलमा प्रवेश निषेध गरेका थिए !